Devid Bekhemin oğlunu LAĞA QOYDULAR: \"Toyuq boğuldu\"

Devid və Viktoriya Bekhemin oğlu, özünü aşpaz kimi təqdim edən Bruklin yenə də kulinariya bacarığına görə abunəçilər tərəfindən tənqid edilib.

Sfera.az  xarici mediaya istinadla bildirir ki, 24 yaşlı Bruklin Bekhem yemək bloqunda avokado yağında toyuğun necə bişirilməsini göstərən video yerləşdirib.

Əvvəlcə aşpaz toyuq filesini süd qarışığına örtüb, sonra un və ədviyyatlara yuvarlayıb. Daha sonra avokado yağında qabda qızardıb. Eyni zamanda Bruklin tavaya 25 dollar dəyərində bütöv bir şüşə avokado yağı töküb.

Videoya şərhlərdə Bekhemin abunəçiləri belə bahalı yağın həddən artıq çox olmasından çaşdıqlarını bildiriblər.“Bu, çox yağlıdır. Toyuğunuz onun içində boğuldu”, “Çox zərərli yemək imiş”, “Dünyada aclıqdan ölən insanlar var - 20 nəfərə kifayət edən kərə yağı və süddən istifadə etmisiniz. Amma siz bunu başa düşmürsünüz”, “Avokado yağının qiyməti ən azı 25 dollardır, tavaya bütöv butulka tökürsən”, deyə istifadəçilər yazıb.

Bruklin Bekhem ilk dəfə deyil ki, kulinariya bacarığına görə sosial mediada tənqid atəşinə tutulur. Əvvəllər o, az qızardılmış mal əti və şərab mantarı ilə Bolonez sousu hazırladığı üçün internetdə ələ salınmışdı.