130 illik yubileyini qeyd etmək üçün Osloda yerləşən “Hurtigruten Norway” kruiz və bərə şirkəti ekoloji cəhətdən təmiz “Sea Zero” kruiz gəmi konseptini təqdim edib. Gəmidə bir sıra yeni texnologiyalardan, o cümlədən akkumulyatorla işləyən mühərriklərdən və süni intellektdən istifadə ediləcək.

Sfera.az bildirir ki, “Sea Zero” dünyanın ilk dayanıqlı kruiz gəmisi olacaq.

Skandinaviya gəmiçilik şirkəti bütün kruizlərini təmiz enerji gəmilərinə keçirməyə hazırlaşır.

Bu gün kruizlər Şimali Avropa ölkələrində olduqca populyar olaraq qalır və təkcə bu il 31 milyondan çox qonaq müxtəlif kruiz gəmilərində səyahət edir. Təəssüf ki, gəmilərin əksəriyyəti hələ də dizel yanacağı ilə işləyir və fyordlar kimi qapalı su yollarında və ya Antarktida kimi həssas bölgələrdə ətraf mühitə mənfi təsir göstərir.
 

Bu təsiri azaltmaq üçün “Hurtigruten Norway” 2030-cu ilə qədər Norveç sahilləri boyunca səyahət edəcək və şirkətin bütün kruiz donanmasını əvəz edəcək yaşıl sıfır emissiyalı kruiz gəmisi hazırlamağı nəzərdə tutur.
 

Gəmi 500 sərnişin daşımağa qadir olacaq. “Sea Zero” dizaynının özü 1930-cu illərdən art deko gəmisinin yenilənmiş versiyasına bənzəyir. Gəminin rasional gövdəsində 50 metrlik üç yelkən gizlədilir ki, bu da gəmini enerji ilə təmin edən 60 meqavatlıq batareyaların gücünü artırmağa xidmət edir. Bundan əlavə, yelkənlər 1500 kvadratmetr günəş panelləri ilə təchiz olunub.
 

Gəminin başqa bir özəlliyi xüsusi hava yağlamasının olmağındadır. Bu qabaqcıl gövdə örtüyü suya davamlılığı azaldacaq və yelkən səmərəliliyini artıracaq Süni intellekt gəmini idarə etməyə kömək edəcək və Norveç limanlarının xüsusiyyətlərini öyrənməyə imkan verəcək. Həmçinin yükün bir hissəsini liman pilotlarının üzərinə götürəcək.

Aynil

Sfera.az