Aralıq dənizi Yunanıstan sahillərində miqrantları daşıyan qayıq batıb.

Sfera.az “İsrailinfo”ya istinadən xəbər verir ki, son məlumatlara görə içərisində təxminən 200 nəfərin olduğu qayığın batması nəticəsində azı 59 nəfər ölüb.

Gəmi İtaliyaya gedirmiş və 200-ə yaxın miqrantı daşıyıb. Batan gəmini Yunanıstanın cənubundakı Pilos şəhərindən təxminən 80 km cənub-qərbdə beynəlxalq sularda sərhəd mühafizə təyyarəsi tapıb.

Yunanıstan hakimiyyəti gəmidəkilərə kömək etməyi təklif etsə də, onlar bundan imtina ediblər. Bir neçə saatdan sonra gəmi tamamilə batıb.


İndiyədək 104 miqrant sudan xilas edilib. Ən azı 59 nəfər həlak olub, 10 nəfər itkin düşüb. Vəziyyəti çətinləşdirən odur ki, gəmidə olan insanların dəqiq sayı məlum deyil.
 

Gəmi Liviyanın Tobruk şəhərindən Yunanıstanın Krit adasının cənub sahilinə doğru dənizə çıxıb. Sərnişinlərin əksəriyyəti 20 yaşlarında gənclər olub.
 

Bildiyiniz kimi, Liviya Afrikanın müxtəlif ölkələrindən Avropaya getmək istəyən immiqrantlar üçün başlanğıc nöqtəsidir.
 

Bundan əvvəl, fevralın ayında da İtaliyada miqrantların olduğu qayığın batdığını xəbər vermişdik. Türkiyəni tərk edən batmış qayığın göyərtəsində Əfqanıstan, Pakistan, Somali, Suriya, İraq və İrandan olan miqrantlar olub. Ən azı 63 nəfərin, o cümlədən 12 uşaq, bir körpənin öldüyü məlum olub.
 

Xatırladaq ki, fevralın 17-də Bolqarıstanda Əfqanıstandan olan 18 qeyri-qanuni miqrantın cəsədi olan yük maşını tapılmışdı. Əfqanlar taxta ilə kupenin altında yerləşən xüsusi anbarda olublar. Ehtimal olunur ki, hamısı boğularaq ölüblər.