İran İslam Respublikasının Prezidenti Seyid İbrahim Rəisi ABŞ-nin sanksiyalarını tənqid edib.

Sfera.az bildirir ki, o, bu barədə Nikaraquaya səfəri zamanı danışıb. Belə ki, Rəisi Manaquada Nikaraqua Prezidenti Daniel Orteqa ilə birgə çıxış edib.

“Birləşmiş Ştatlar təhdid və sanksiyalarla xalqımızı iflic vəziyyətə salmaq istəyirdi, lakin buna nail ola bilmədi”, - Rəisi bildirib.

İbrahim Rəisi həmçinin, ötən gün ABŞ-nin iqtisadi sanksiyaları altında olan Venesuela Prezidenti Nikolas Maduroya da baş çəkib. Onun Latın Amerikasındakı müttəfiq ölkələrə səfəri prezident Co Bayden administrasiyası ilə gərginliyin artması fonunda reallaşıb. Rəisinin İranın regiondakı digər müttəfiqi olan Kubaya da səfəri planlaşdırılır.

Qeyd edək ki,  ABŞ İranı Rusiyanı pilotsuz təyyarələrlə təmin etməkdə ittiham edir. 

Günay Rəsulqızı