2023-cü ilin yanvar-may aylarında Azərbaycanda 49,58 milyard manatlıq və ya əvvəlki ilin eyni dövrü ilə müqayisədə 0,7 faiz çox ümumi daxili məhsul (ÜDM) istehsal olunub.

Sfera.az Dövlət Statistika Komitəsinə istinadən xəbər verir ki, ÜDM istehsalının artım sürətinin zəif olması neft-qaz sektoru ilə bağlıdır.

Neft-qaz sektorunda istehsal 2,5 faiz azalıb, amma qeyri neft-qaz sektorunda 4 faiz artım baş verib. ÜDM istehsalının 45,5 faizi sənaye, 9,1 faizi ticarət; nəqliyyat vasitələrinin təmiri, 6,1 faizi nəqliyyat və anbar təsərrüfatı, 4,5 faizi tikinti, 3,6 faizi kənd təsərrüfatı, meşə təsərrüfatı və balıqçılıq, 2,2 faizi turistlərin yerləşdirilməsi və ictimai iaşə, 1,6 faizi informasiya və rabitə sahələrinin, 17,9 faizi digər sahələrin payına düşüb, məhsula və idxala xalis vergilər ÜDM-in 9,5 faizini təşkil edib.

Əhalinin hər nəfərinə düşən ÜDM 4890,6 manata bərabər olub. Müqayisə üçün bildirək ki, 2022-ci ilin ilk 5 ayında 50,86 milyard manat dəyərində ÜDM istehsal edilib. Ötən il ÜDM 7,2 faiz artmışdı.

Vasif