İsveçrənin dəbdəbəli saat istehsalçısı “Omega” şirkəti fırıldaqçılara aldanaraq böyük maddi zərərlə üzləşib. 

Sfera.az xəbər verir ki, 2021-ci ilin noyabrında Cenevrədə “Phillips” hərracında “Omega” tərəfindən  3,4 milyon dollara “Speedmaster” saatı satın alınıb. Alınan saata şirkət təklif qiymətindən 25 dəfə yüksək dəyər verib. 

Şirkət sonradan müəyyənləşdirib ki, o, mütəşəkkil cinayətkar fəaliyyətin qurbanı olub və 3,4 milyon dolları saxta “Speedmaster” saatına görə ödəyib. 

Şirkət bu saatı alıb Bienne şəhərindəki muzeyində nümayiş etdirmək niyyətində idi. Şirkətin rəhbər şəxsləri hesab edib ki, “Speedmaster” “Omega”nın vitrin kolleksiyaları üçün mütləq zəruri olan nadir və müstəsna bir saatdır. Saatın Broad Arrou adlı mütəxəsis tərəfindən 1957-ci ildə paslanmayan poladdan hazırlandığı, xronoqraf qol saatı olduğu düşünülürdü. 

Lakin sonradan məlum oldu ki, vasitəçilərin köməyi ilə alınan saat əslində “Frankenstein” saatı idi. “Omega”nın baş kommunikasiya meneceri Ciovanni Aleqre CNN-ə bildirib ki, alınan saat “Omega” komponentlərindən ibarət orijinal olmayan saatdır. O söyləyib ki, “Omega” və “Phillips” bu xüsusi saatın hərrac yolu ilə satılması ilə bağlı mütəşəkkil cinayətkar fəaliyyətin birgə qurbanı olub. 

Şirkət məsələ ilə bağlı prokurorluğa müraciət edib və bununla bağlı istintaq araşdırması aparılır. “Omega” bu işdə əli olan şəxslərə qarşı iddia qaldırıb. 

Vasif