2023-cü ilin yanvar-may aylarında Azərbaycanda inflyasiya səviyyəsi 13,1 faizə düşüb.

Sfera.az Dövlət Statistika Komitəsinə istinadən xəbər verir ki, qiymətlərdə artım sürətinin zəifləməsi üçüncü aya keçib.

Bu ilin yanvar-fevral aylarında bahalaşma sürəti 13,9 faizə qalxdıqdan sonra tədricən enir. Qiymətlərin artım sürətini zəiflədən əsas faktor ərzaqların qiymətindəki dəyişiklik olub. Ərzaq məhsulları, içkilər və tütün məmulatları üzrə bahalaşma sürəti 15,8 faizə enib.

Qeyri-ərzaq məhsulları üzrə qiymət artımı 11,6 faiz, əhaliyə göstərilən ödənişli xidmətlər üzrə 10,6 faiz təşkil edib. 2023-cü ilin may ayında isə qiymətlər aprelə nisbətən 0,4 faiz azalıb. Əvvəlki ilin may ayına nisbətən illik bahalaşma sürəti 11,5 faiz təşkil edib.

Vasif