Cənubi Afrika hakimiyyəti BRİKS sammiti ilə bağlı Rusiyaya üç variant təklif edib.

Sfera.az bildirir ki, bu barədə  ölkənin “The Sunday Times” qəzeti məlumat yayıb. Qeyd olunub ki, Rusiya prezidenti Vladimir Putinin sammitdə iştirakı Beynəlxalq Cinayət Məhkəməsinin verdiyi həbs qərarı ilə çətinləşir.

“Çıxış yollarından biri Rusiya Xarici İşlər Nazirliyinin Putini sammitdə təmsil etməsini nəzərdə tutur. Digər həll yolu isə Putinin videobağlantı vasitəsilə iştirak etməsidir. Həmçinin Cənubi Afrika iclas keçirmək üçün Çinə üz tuta bilər”, deyə qəzet əlavə edib.

Qeyd edək ki, martın 17-də Beynəlxalq Cinayət Məhkəməsi  Putinin həbsinə order verib. Rusiya isə beynəlxalq məhkəmənin qərarını tanımır. Cənubi Afrikada isə bu təşkilatın yurisdiksiyasını tanısalar da, Rusiya liderini həbs etməyəcəklərinə söz veriblər.

Prezidentin mətbuat katibi Dmitri Peskov bildirib ki, ölkə həbs təhlükəsindən asılı olmayaraq, sammitdə lazımi səviyyədə iştirak edəcək.

Günay Rəsulqızı