“Araşdırmalar başladı” – Zelenskidən Kaxovka bəndi ilə bağlı AÇIQLAMA
Beynəlxalq Cinayət Məhkəməsi Ukraynadakı Kaxovka bəndinin partladılması və onun törətdiyi böyük daşqınla bağlı araşdırmaya başlayıb.
Sfera.az bildirir ki, bunu Ukrayna prezidenti Volodimir Zelenski deyib.
O, məhkəmə nümayəndələrinin son günlər Xerson vilayətinə səfər etdiyini bildirib: “Təbii fəlakətdən sonra elə birinci gün Baş Prokurorluq bu fəlakətin araşdırılması ilə bağlı beynəlxalq cinayət məhkəməsinə müvafiq sorğu göndərib və artıq işlərə başlanılıb”.
Zelenski beynəlxalq hüquq ekspertlərinin fəlakətin nəticələrini, o cümlədən su basmış ərazilərin atəşə tutulması hallarını görməsinin vacib olduğunu söyləyib. O əlavə edib ki, Ukrayna xilasetmə qrupları Rusiyanın işğalı altında olan Dnepr çayının şərq sahilindəki ərazilər də daxil olmaqla, zərər çəkmiş bölgələrdən 4 minə yaxın sakini təxliyyə edib.
Xatırladaq ki, ötən gün təxliyyə edilənləri daşıyan qayıqların atəşə tutulması nəticəsində 3 nəfər ölüb.
Günay Rəsulqızı