Braziliyanın Palmas şəhərindən olan 58 yaşlı Antonio Pereira do Nascimentoya bir bank təsadüfən 21 milyon funt sterlinq (təxminən 131.870.227.00 R$) göndərəndə "sıfırlardan qorxduğunu" deyib. Bu zaman onun hesabında pul demək olar ki, olmayıb.
 

Sfera.az bildirir ki, iki bank arasında köçürmə zamanı səhvə görə pul Antonionun hesabına daxil olub. Antonio Pereira do Nascimento, onları saxlamaq barədə heç vaxt düşünmədiyini bildirib. Taksi sürücüsü işləyən şəxs lotereya oynamadığı üçün çaşqın olduğunu bildirib. Antonionun daimi gəliri yoxdur. Ailəlidir, dörd övladı və 14 nəvəsi var.

"O qədər sıfırlar var idi ki, qorxdum! Mən həyatımda heç vaxt belə pul görməmişəm və almamışam. Bu, yalnız Mega Sena (lotereya) udduğum halda baş verə bilərdi ki, mən də onu oynamıram. Ona görə də çətin ki, bu pul mənim olsun”- deyə o bildirib.


“Evimə getdim və həyat yoldaşıma dedim: “Varlandıq!” Amma həyat yoldaşım da dedi: “Pulu qaytaraq.” Bank axtarmağa getdim, kağıza qol çəkdim və axşam saat doqquzda mənim hesabımdakı pul onların hesabına köçürüldü”.
 

Taksi sürücüsünün sözlərinə görə, o, heç vaxt pulu özünə saxlamaq barədə düşünməyib.
 

"Mən pislik etmək barədə bir saniyə belə düşünmədim. Mən çox dürüst insanam və yalnız özümə aid olanı almaq istəyirəm".
 

Qeyd edək ki, Money.co.uk qanununa görə, bank və ya əmanət hesabınıza təsadüfən bir məbləğ pul qoyulubsa və bunun sizə aid olmadığını bilirsinizsə, o zaman sizdən onu geri qaytarmağınız tələb olunur. Bir şəxs pulu saxlamağa çalışarsa, 1968-ci il Oğurluq Aktına əsasən, onlara "kredit saxlama" ittihamı verilə bilər.

Aysel

Sfera.az