"Türkiyə ilə hərtərəfli inkişaf edən münasibətlərimiz mövcuddur. Lakin bəzi sahələrdə problemlər var, onları həll edə bilmirik".

Sfera.az xəbər verir ki, bunu Milli Məclisin növbədənkənar iclasında deputat  Fazil Mustafa deyib. Millət vəkili Türkiyədə Azərbaycan dilində məktəblərin olmamasından narazılıq edib:

"Vaxtı ilə sosial vəziyyətə görə insanlar Naxçıvandan ora mühacirətə getdi. Lakin orada məktəb yarada bilmədilər, çoxsaylı azərbaycanlını taleyin ümidinə buraxdılar. Bizi narahat edən əsas problemlərdən biri də odur ki, xeyli sayda həkimlərimiz var ki, onlar diplomun Türkiyədə tanıdılması üçün imtahandan keçib, müəyyən bal toplamlıdırlar. Məzunlarımız savadlı olduğu üçün bu balı toplayırlar. Daha sonra onlar mütəxəssislik təhsili alıb ayrı-ayrı yerlərə yerləşdirilirlər. Lakin onlar Türkiyə həkimlərinin dörddə biri qədər əməkhaqqı alırlar. Onların türk həkimləri qədərə əməkhaqqı almasını tələb etmirik, amma biz onların aşağı maaş alması problemini həll etməliyik".

Əzizə Zeynal