ABŞ-də ev təsərrüfatlarının xalis sərvəti bu ilin birinci rübündə 2 faiz artaraq 148,8 trilyon dollara çatıb. 

Sfera.az xəbər verir ki, ABŞ Federal Ehtiyat Sistemi (FED) yanvar-mart dövrü üçün maliyyə hesabatını dərc edib. 

Həmin hesabata əsasən, bu ilin birinci rübündə ölkədəki ev təsərrüfatlarının xalis sərvəti 148,8 trilyon dollardır. İlin birinci rübündə əvvəlki rüblə müqayisədə ev təsərrüfatlarının sərvəti 2 faiz artıb, 2022-ci ilin eyni dövrü ilə müqayisədə isə 2,5 faiz azalıb. 

ABŞ-də ev təsərrüfatlarının xalis sərvəti keçən ilin birinci rübündə rekord həddə - 152,6 trilyon dollara çatdıqdan sonra ikinci rübdə 147,2 trilyon dollara, üçüncü rübdə 144,2 trilyon dollara qədər azalıb. 

Bu ilin birinci rübündə əhalinin sahib olduğu səhmlərin dəyəri 2,4 trilyon dollar artıb, daşınmaz əmlakın dəyəri 600 milyard dollar azalıb. 

Vasif