"Kaxovka SES-in bəndinin məhv edilməsi Ukrayna kimi Azərbaycanı da narahat edir" - ŞƏRH

Ukraynanın Xerson vilayətinin Rusiya Silahlı Qüvvələrinin nəzarət etdiyi hissəsində yerləşən Kaxovka su elektrik stansiyasının (SES) bəndi məhv edilib. Hadisədən sonra Dneprin sol sahilində yerləşən Korsunka, Krınki və Kazaçye Lageri kəndləri su altında qalıb. Həmin kəndlərin bəzilərində suyun səviyyəsi evlərin damına kimi qalxıb.

 

Nə baş verir?

 

Kaxovka su elektrik stansiyası Rusiya tərəfindən 2022-ci ilin fevralında Şimali Krım kanalı ilə birlikdə işğal olunub. SES olduqca strateji bir obyektdir. Belə ki, Ukraynanın cənubundakı quraq rayonların enerji, su təchizatı və suvarma məsələsini, həmçinin Xersondan Zaporojyeyə naviqasiya üçün Dnepr axınının illik tənzimlənməsini təmin edirdi.  

 

Aydın məsələdir ki, Kaxovka su elektrik stansiyası Rusiya silahlı qüvvələri tərəfindən partladılıb. Məsələ ondadır ki, Rusiya Ukrayna ordusunun əks-hücum əməliyyatlarından ehtiyat edir. Rəsmi Moskva Kiyevin onu qabaqlamasını və işğal edilmiş ərazilərin geri alınmasını istəmir. Buna görə də Kiyevi əməliyyatlardan yayındırmaq və diqqətini başqa istiqamətə çəkmək üçün belə bir addım atmış ola bilər. 

 

SES bəndinin dağıdılması ciddi humanitar fəlakətə səbəb ola bilər. Belə ki, yaşayış məskənlərinin su altında qalması ilə yanaşı, Zaporoje atom elektrik stansiyasında ciddi problemlər yaranıb. Region ikinci Çernobl fəlakəti ilə üz-üzədir. 

 

Ukraynanın cavab addımı

 

Baş verən hadisə hər nə qədər Avropada son illərin ən böyük texnogen fəlakəti sayılsa da, Ukrayna silahlı qüvvələri əks-hücum əməliyyatlarını dayandırmayacaq. Kiyevin daha sərt hücumlar gerçəkləşdirəcəyi və bir sıra strateji obyekləri işğaldan azad edəcəyi gözlənilir. 

 

Ukrayna regionun və dünyanın növbəti taxıl və texnogen böhran ilə üzləşmə risklərini əsas gətirib, Kremlə qarşı addımlar ata bilər.

 

Azərbaycanın mövqeyi

 

Kaxovka su elektrik stansiyasının (SES) bəndinin məhv edilməsi ən azı Ukrayna kimi Azərbaycanı da narahat edir. Rəsmi Bakı prosesi yaxından izləyir. Məsələ ondadır ki, Azərbaycan da bənzər hadisə ilə üz-üzə qalıb və bəlkə də Ukraynanı ən yaxşı başa düşən ölkədir. 

 

2020-ci ildə Ermənistan Mingəçevir Su Elektrik Stansiyasını “İsgəndər-E” raketi ilə vurub dağıdacağını deyərək ölkəmizi təhdid etmişdi. Lakin xoşbəxtlikdən bu baş vermədi. Çünki Mingəçevir SES ölkənin ən strateji obyektlərindəndir və rəsmi Bakı ehtimal gərginlik anında İrəvanın buranı potensial hədəf halına gətirəcəyini yaxşı bilirdi. Buna görə də Mingəçevir, Bakı və digər şəhərlərdə yerləşən obyektlərin təhlükəsizliyi təmin edilmişdi.

 

Düzdür, dəqiq informasiya olmasa da, Azərbaycanın strateji obyektləri “Barak 8” və ya “Dəmir Qübbə” ilə qoruduğu haqda iddialar var. Məhz buna görə də Ermənistanın atdığı raketlər havadaykən məhv edildi. 


Bütün bunlara baxmayaraq, beynəlxalq aləm SES-lərə hücuma görə ortaya sərt mövqe qoymalı, xüsusi cəza tədbirlərini nəzərdən keçirməlidir.

 

Müəllif: Politoloq Turan Rzayev

 


OXŞAR XƏBƏRLƏR

“Playboy” modeli göstərişli həyatından imtina edərək fermaya köçdü

Keçmiş “Playboy” modeli Katjira sıx iş qrafikindən yorularaq bağçılıq və əkinçiliklə məşğul olmaq üçüb özünə ferma alıb.   Sfera.az bildiri...

Şokolad haqqında mif dağıdılıb - Bu halda təhlükəsizdir...

London Kral Kollecinin alimləri şokolad yemək və sızanaqlar arasında əlaqə haqqında mifi dağıdıblar.   Sfera.az xəəbər verir ki, bu barədə "BBC&qu...

40 il yatmadan sağ qalmağı bacaran adam - FOTO

Yuxu yaşamaq üçün ən vacib ehtiyaclarımızdan biridir. Bəs, insan 40 il yatmadan həyatına necə sağlam şəkildə davam edə bilər? Sfera.az bildirir ki, Birinci...

Konsentrasiya düşərgəsinin qalığı: Qaranlıq tarixə malik keçmiş ruhi xəstəxana sökülür

Britaniyada 20-ci əsrin əvvəllərində psixiatriya xəstəxanası olan və son vaxtlar şəhərcik kimi istifadə edilən tarixi “Storthes Hall” xəstəxana bina...

Səhvən qonşusunun üstünə su tökən qadın mühakimə olunacaq

Kanadanın Ontario şəhərində yaşayan 58 yaşlı Wendy Washick, uşağı ilə oynayan zaman ehtiyatsızlıqdan qonşusunun sinəsinə su tapançası ilə vurub. İndi o, silahlı...

Bahar Candan azadlığa buraxıldı

Ötən il dələduzluq və çirkli pulların yuyulması ittihamı ilə həbs edilən türkiyəli fenomen Bahar Candan azadlığa buraxılıb.   Sfera.az xəbə...