"Ukrayna liderləri sülh müqaviləsi bağlamağa hazır idilər. Rusiyaya yazılı təkliflər verdilər, biz bunu prinsipcə bəyəndik. Amma proses dayandırıldı. Çünki ABŞ onlara təzyiq göstərərək heç bir danışıqlar aparmamağı tapşırdı"

Sfera.az xəbər verir ki, bunu Rusiya Təhlükəsizlik Şurasının katibi Nikolay Patruşev bildirib. Onun sözlərinə görə, ABŞ və Britaniya Ukraynada münaqişənin davam etdirilməsində maraqlıdır.

"Ukrayna xalqı münaqişənin davam etməsində maraqlı deyil, Rusiya xalqı da maraqlı deyil. KTMT ərazisində yaşayan xalqlar da maraqlı deyil”, - Patruşev Minskdə Belarus Prezidenti Aleksandr Lukaşenko ilə KTMT ölkələrinin Təhlükəsizlik Şuralarının katibləri ilə görüşdən sonra jurnalistlərə bildirib.

O qeyd edib ki, bu məsələdə  ilk növbədə ABŞ və Böyük Britaniya maraqlıdır. Patruşevin fikrincə, Moskva və Kiyev sülh müqaviləsi bağlaya bilərdi, lakin ABŞ müdaxilə etdi.

"Aydındır ki, onların ölən insanlara yazığı gəlmir. Çünki bunlar onların adamları deyil"- o əlavə edib.

Əzizə Zeynal