Türkiyənin xarici işlər naziri Hakan Fidan ABŞ-nin dövlət katibi Entoni Blinkenlə telefon danışığı aparıb.

Sfera.az xəbər verir ki, bu barədə "CNN Türk" məlumat yayıb.

Blinken nazir Fidanı yeni təyinatı münasibətilə təbrik edib. Söhbət zamanı İsveçin NATO-ya üzvlüyü məsələsi, Türkiyə-Ermənistan və Azərbaycan-Ermənistan münasibətlərinin normallaşması prosesləri, F-16-ların alınması və modernləşdirilməsi müzakirə edilib. 

Qeyd olunur ki, Hakan və Blinken ümumi gündəmdəki məsələlərin həlli üçün ən qısa zamanda görüş təşkil etməyə hazır olduqlarını bildiriblər.

Xatırladaq ki, Hakan Fidan ümumi seçkilərdən və ölkənin yeni kabinetinin formalaşdırılmasından sonra bu vəzifədə Mövlud Çavuşoğlunu əvəzləyərək Türkiyənin xarici işlər naziri vəzifəsinə təyin edilib.

Əzizə Zeynal