Universitet professoru və keçmiş dəniz zabiti Cozef Dituri 93 günü su altında keçirib və cavanlaşıb.

Sfera.az xəbər verir ki, bu barədə “The Daily Mirror” məlumat yayıb.

"Dərin dənizlərin doktoru" ləqəbli professor Dituri yüksək təzyiqin insan orqanizminə təsirini nümayiş etdirməli olan elmi təcrübənin bir hissəsi olaraq suyun altına dalıb. Dituri Florida ştatının Key Larqo şəhərində doqquz metr dərinlikdə yerləşən "Jülin sualtı iqamətgahı"nda məskunlaşıb.

Təcrübənin 93-cü günündə həkimlər Diturinin həyati əlamətlərini ölçüblər və adamın 10 yaş cavanlaşdığı aşkara çıxıb. Məlum olub ki, onun bədənindəki kök hüceyrələrin sayı da on dəfə artıb. İltihabi göstəricilər iki dəfə azalıb, xolesterin isə aşağı düşüb. Mütəxəssislər bu dəyişiklikləri yüksək qan təzyiqi ilə əlaqələndirirlər və bunun bir sıra müsbət təsirləri olduğu bilinir. Bənzər bir terapiya forması hiperbarik kameralardan istifadə edən insanlar tərəfindən qəbul edilir.

"Neptun 100" adlandırılan missiya alimin 100 gün su altında qalmasından sonra iyunun 9-da başa çatacaq.

Əzizə Zeynal