Beynəlxalq Atom Enerjisi Agentliyinin (MAQATE) rəhbəri Rafael Qrossi təhlükəsizlik planını müzakirə etmək üçün Zaporojye Atom Elektrik Stansiyasına (ZNPP), Kiyev və Moskvaya səfər edəcək. 

Sfera.az xəbər verir ki, bu barədə RİA Novosti məlumat yayıb. 

“Gələn həftə, yəqin ki, mən Zaporojyedə olacağam , Ukrayna prezidenti ilə görüşməyi planlaşdırıram , dünən onunla bu barədə danışdım. Və bundan sonra bizim apardığımız bu çox vacib dialoqu davam etdirmək üçün Moskvaya və ya Rusiyanın hər hansı digər regionuna getmək məntiqli olardı ”.

Agentliyin baş direktoru onu da bildirib ki, nüvə fəlakətinin qarşısının alınmasını özünün əsas məqsədi hesab edir. Bunun üçün çox səy tələb olunacaq, bununla əlaqədar Qrossi bu istiqamətdə işi davam etdirəcəyinə söz verib.

Bundan əvvəl Moskva Ukraynanın ZNPP-yə istənilən hücumuna son dərəcə sərt cavab verəcəyi ilə hədələyib.

Əzizə