Heç bir yerə aparan tunel - Təxminən 40 il səhrada gizli tunel qazıb, sonra yoxa çıxdı -Video
1906-cı ildən bəri ABŞ-ın cənub-qərbindəki Moxave səhrasında hələ də hər kəs üçün sirr olaraq qalan sirli bir yer var. Bu, sözün əsl mənasında heç bir yerə aparan tuneldir.
Sfera.az bildirir ki, tuneli Uilyam Henri Şmidt adlı şəxs qazıb. Bu 2087 metr qayanı yarmaq üçün o, ömrünün 38 ilini sərf edib.
Sonradan “köstəbək adam” ləqəbi ilə tanınan Şmidtin qeyri-adi “hobbi”sindən onun tanışlarından və yerli sakinlərdən heç birinin xəbəri olmayıb. Çuxur nəhayət aşkar edildikdə və insanlar onu niyə qazdığını soruşduqda, William "sadəcə qısa yol açdığını" bildirib. Ancaq bu yolun hara apardığını heç kim başa düşməyib.
1906-cı ildə William Şmidtə vərəm diaqnozu qoyulub və o, səhhətini yaxşılaşdırmaq üçün səhraya köçməli olub. Ona bildiriblər ki, ən əlverişli şəraitdə ömrünün az hissəsi qalıb. Sonra o, məşhur keçidi hazır olana qədər bir-bir qazmağa başlayıb.
Bir gün Şmidt tuneldə görünməyəndə, şəhər əhalisi ondan narahat olmağa başlayıb. Ertəsi gün səhər yerli şerif kişinin işlədiyi ərazini yoxlamaq qərarına gəlib. Şerifin başçılığı ilə bir neçə nəfər keçidin dərinliyinə getmək qərarına gəlib, lakin bir neçə yüz metrdən sonra strukturu etibarsız hesab etdikləri üçün geri qayıtmalı olublar.
Yalnız peşəkar tədqiqatçılar tunelin ən sonuna getməyə cəsarət etdilər və uzunluğu iki kilometrdən çox olub.
Aysel
Sfera.az