2022-ci ildə Azərbaycan əhalisinin əldə etdiyi gəlirlər 68,916 milyard manat olub. 

Sfera.az xəbər verir ki, gəlirlərin daha çox hissəsi sahibkarlıq fəaliyyətindən əldə edilib. Bu fəaliyyət sahəsi üzrə 27,75 milyard manat gəlir olub. 

Maaş və bu kimi digər gəlirlər 26,5 milyard manat, mülkiyyətdən gələn gəlirlər 2,25 milyard manat təşkil edib. Əhalinin əldə etdiyi gəlirlərin digər önəmli hissəsi cari transfertlər olub. Bu mənbə üzrə gəlirlər 12,4 milyard manatı ötüb. 

Əhali əldə etdiyi gəlirin 57,7 milyard manatını son istehlak xərclərinə yönəldib.

Ödənilən cari transfertlərə 7 milyard manat, mülkiyyətdən ödənilən gəlirlərə görə isə 1,047 milyard manat xərc olub. 

Bütün xərclər çıxıldıqdan sonra əhali bir ildə 3,15 milyard manat pul yığa bilib. Yığılan məbləğin adambaşına düşən hissəsi 311 manat olub. 

Müqayisə üçün bildirək ki, 2021-ci ildə əhalinin qənaət etdiyi vəsait 1,83 milyard manat idi. 

Vasif