Çinin paytaxtı Pekində meymunçiçəyi virusuna yoluxmuş 2 nəfər karantinə alınıb.

Sfera.az bildirir ki, bu barədə Pekin Xəstəliklərin Qarşısının Alınması və Nəzarət Mərkəzi məlumat yayıb.

Bildirilib ki, şəhərdə xarici mənşəli yoluxma faktı müşahidə edilib və şəxslə təmasda olan daha bir nəfərdə virus aşkarlanıb. Açıqlamada virusa yoluxmuş 2 nəfərin xəstəxanada karantinə alındığı, bunun bələdiyyə və rayon səhiyyə müəssisələri tərəfindən izləndiyi qeyd edilib. Müalicə olunan xəstələrin vəziyyətinin stabil olduğu bildirilib.

Mərkəzi və Qərbi Afrika ölkələrində rast gəlinən meymunçiçəyi virusu indiyədək 111 ölkədə aşkarlanıb. Ümumdünya Səhiyyə Təşkilatının (ÜST) mayın 11-də verdiyi açıqlamada sözügedən virusun 90 faiz azaldığı və artıq beynəlxalq əhəmiyyət kəsb edən ictimai səhiyyə fövqəladə hadisəsi olmadığı vurğulanıb.

Qeyd edək ki, bu virusa yoluxan xəstələrdə yüksək hərarət, baş ağrısı, bel və əzələ ağrıları, üşümək kimi əlamətlər görülür.

Türkan