“Vaqner” muzdlu qrupu ilə Rusiya ordusu arasında yeni mübahisə yaranıb.

Sfera.az xarici mediaya istinadən bildirir ki, qrupun rəhbəri Yevgeni Priqojin Rusiya Müdafiə Nazirliyinin yaydığı məlumatları təkzib edib.

Belə ki,  o, Donbasda Ukraynanın ağır itkilər vermədiyini iddia edib. Priqojin bildirib ki, nazirliyin yaydığı məlumatlar “absurd elmi fantastikadır”. Lakin Rusiya Müdafiə Nazirliyi çərşənbə axşamı iddiaları ikiqat artıraraq Ukraynanın 3700-dən çox itki verdiyini bildirib.

Dövlət mediasına danışan Rusiyanın müdafiə naziri Sergey Şoyqu təkid edib ki,  hücum zamanı Ukrayna 3715-dən çox itki verib və onlarla hərbi texnika məhv edilib:

“Hücum cəhdləri uğursuzluğa düçar oldu, düşmən dayandırıldı. Rus əsgər və zabitləri döyüşlərdə cəsarət və qəhrəmanlıq göstərdilər", - deyən Şoyqu döyüşlərdə 71 rus hərbçisinin həlak olduğunu vurğulayıb. Bununla belə, Priqojin müdafiə nazirliyinin böyük uğur iddialarını “qətliam” adlandırıb.

“Ona görə də hesab edirəm ki, bunlar sadəcə bəzi vəhşi fantaziyalardır”, - o, “Telegram”da yazıb. 

“Vaqner”in rəhbəri həmçinin rus qüvvələrini Baxmutun kənarındakı Berxivka kəndindən geri çəkilməkdə ittiham edərək, bunu “biabırçılıq” adlandırıb. Moskva isə  Priqojinin iddialarını rədd edib, bunun reallığa uyğun olmadığını bildirib. 

Günay Rəsulqızı