Sərt qaydaların hökm sürdüyü Şimali Koreyada dövlətin idarəedilməsində Kim Çen Inın bacısı Kim Yo Conqun rolunun son illərdə artması müşahidə edilir. 

Sfera.az xəbər verir ki, o, ailənin yeddi övladının ən kiçiyi olaraq valideynləri tərəfindən "şirin şahzadə Yo-jong" kimi tanınıb. 

Kim Conq 2014-cü ildən ölkədə və xarici dairələrdə tanınmağa başlayıb. Həmin ildən o, dövlət ideologiyasının təbliğatına aparan Təbliğat və Təşviqat Departamentini (PAD) idarə edən baş senzor kimi tanınıb. Maraqlı detal ondan ibarətdir ki, Kim Yonun atası da PAD-a rəhbərlik edib və burada hakimiyyətə hazırlaşıb. 

2018-ci ildən bəri onun hökumətdəki rolu kəskin şəkildə artıb və atasından öyrəndiyi dərslərdən istifadə edərək öz sülaləsinin gücünü genişləndirərək dövlət idarəçiliyində mühüm rol oynayıb, bu yolda “qaniçən iblis” və “şeytan qadın” ləqəblərini qazanıb. 

İndi Kim Yo çox böyük hökmə sahibidr. Kim Yo istəsə, Kim Çen Indan başqa, Koreya İşçi Partiyasının 250 nəfərlik Mərkəzi Komitəsinin hər hansı birinin edam edilməsini əmr edə bilər. O, artıq Şimali Koreyanın real gücə sahib olan Birinci Bacısıdır. 

Kim Yo 1988-ci ildə anadan olub. Onun anası 2004-cü ildə döş xərçəngindən vəfat edib. Anası ölkənin rəhbərinin 4 həyat yoldaşından biri olub. Kim Yo ailədə 3 uşaqdan biridir və o, uşaqlıqdan xüsusi təlimlər keçməklə böyüdülüb. 

Koreyanın Birinci Bacısı hazırda siyasi hakimiyyətinin mərkəzi olan Təşkilat və Rəhbərlik Departamentinə faktiki rəhbərlik edir, ordu da daxil olmaqla, əsas kadr məsələləri ilə bağlı gündəlik qərarlara nəzarət edir. 

O, kimin nəzarətə götürülməsinə, vəzifəsinin aşağı salınmasına və ya yüksəldilməsinə, cəzalandırılmasına, hətta edam edilməsinə dair qərar verə bilər. Faktiki olaraq o, “Hörmətli Rəhbərin müavini”dir. Məlumatlara görə, xanım rəhbər yüksək vəzifəli dövlət məmurlarına sadəcə “əsəblərini sakitləşdirmək” üçün bir neçə edam əmri verib. Deyilənə görə, o, daha az narazı olanları və onların ailələrini həbs düşərgələrinə və əmək düşərgələrinə, məcburi əmək, döyülmə, işgəncə və aclıq şəraitində yaşamağa göndərib. 

2021-ci ildən onun vəzifəsi bir qədər də artırılıb. Kim Çen In bacısını ali idarəetmə orqanı olan Dövlət İşləri Komissiyasına təyin edib. Hazırda 35 yaşı olan Kim Çenin bacısı dövlətinin xarici siyasəti ilə bağlı qəti bəyanatlar verir, dövlətinin mövqeyini ifadə edir. 

O, Kim Çen Inın ətrafı arasında onun tam etibarına malik, istənilən vaxt liderlə görüşə bilən yeganə şəxsdir. 

Onun gücü artdıqca və amansızlığı haqqında nağıllar yayıldıqca Birinci Bacının hansı niyyətdə olduğunu qiymətləndirmək çətindir. Qardaşı istəsə, o, gələcək onilliklər ərzində müavin və ya bəlkə də bir gün öz xalqının tarixində ilk qadın Ali Lider olacaq. 

Vasif