Angelina Coli və “Chloe” birləşirlər?
“Chloé” Ancelina Colinin “Atelier Jolie” ilə birlikdə kolleksiya yaratdığını elan edib. Kolleksiya müasir qadınlığa diqqət yetirəcək və "qadınlar arasında həqiqi əlaqələri" qeyd edəcək.
Sfera.az bildirir ki, bütün eskizləri “Chloé”nin yaradıcı direktoru Qabriela Hirst aktrisa ilə birgə hazırlayıb. “Chloe”nin atelyedə aktrisanın fotosunu göstərərək bildirdiyi kimi, Coli kolleksiyanın hazırlanmasında iştirak edib.
Qeyd edək ki, kapsul kolleksiyasında əsasən Ancelina Colinin geniş qarderobundan ilhamlanan axşam geyimləri yer alacaq.
Kolleksiya hər iki brendin sosial və ekoloji davamlılığa sadiqliyinə uyğun olacaq.
Kapsuldan bəzi əşyalar yerli sənətkarlar və qadınların rəhbərlik etdiyi şirkətlər tərəfindən hazırlanacaq. Bundan əlavə, hazır materiallardan istifadə etməklə çoxlu təsvirlər yaradılacaq.
"Anjelinanın Atelier Jolie ilə bağlı fikirlərini eşitdiyim andan dərhal ona inandım. Bu, dərziliyin gözəlliyi və ətraf mühitə dərin hörmət vasitəsilə başqalarını yüksəltməyin bir yoludur. “Chloé”nin Atelier Jolie-nin ilk işçisi olacağından qürur duyuram. Çünki hər iki markanın yüksək idealları və standartları var, ona görə də mən həm Ancelina, həm də “Chloé”ni çox sevirəm" Hirst bildirib.
Coli özü də Qabriela Hirstlə işləməyin onun üçün böyük şərəf olduğunu bildirib.
"Ümid edirəm ki, bütün qadınlar bu kapsul kolleksiyasında özlərini rahat və gözəl hiss edəcəklər. Bu əməkdaşlıqdan əldə etdiyim gəlir “Atelier Jolie”də dərzi və sənətkarların hazırlanmasına sərf olunacaq"- Coli deyib.
Keyfiyyətli şeylər yaratmaq üçün brendini işə salan “Atelier Jolie” brendi altında Coli zinət əşyalarından tutmuş bahalı paltarlara qədər hər şeyi istehsal etmək istəyir. O özü də etiraf edib ki, illərdir eyni paltarlar geyinir və nadir hallarda yeni bir şey alır.
Xatırladaq ki, Coli bir müddət əvvəl Ağ Evdə keçirilən qala-ziyafətdə “Chanel”in vintage gödəkçəsində çıxış etmişdi.
Filmin premyerası üçün isə qızlarına qarderobundan paltarlar verib. Zahara və Şilo analarının bir neçə il əvvəl geyindiyi paltarlarda görünüblər. Onlar sadəcə ölçüyə uyğunlaşdırılıb və bir az qısaldılıblar.
Aysel
Sfera.az