Finlandiyada kəşfiyyat aparıldı - 9 rus diplomatı ölkədən çıxarılır
Finlandiya 9 rus diplomatını ölkədən çıxarır.
Sfera.az bildirir ki, Rusiya səfirliyinin 9 əməkdaşının diplomatik statusla bir araya sığmayan kəşfiyyat fəaliyyətində iştirakı aşkar edildikdən sonra hökumət tərəfindən Finlandiyadan qovulub.
Rusiyanın Finlandiyadakı səfirliyinin 9 əməkdaşının ölkədən çıxarılması barədə qərar Finlandiya Prezidenti və Hökuməti yanında Xarici İşlər və Təhlükəsizlik Siyasəti üzrə Nazirlər Komitəsi tərəfindən qəbul edilib.
Finlandiya Təhlükəsizlik Polisi deportasiyanın əks-kəşfiyyat məqsədlərinə uyğun olduğunu vurğulayıb. Kəşfiyyat xidməti həmçinin qeyd edib ki, bu, Finlandiyada Rusiya kəşfiyyatı üçün ciddi geriləmədir.
Qeyd edək ki, rəsmi Moskva ilə Helsinki arasında dəfələrlə diplomatik qarşıdurma yaşanır. Bundan əvvəl Rusiya Finlandiyadakı konsulluğuna “hücum”dan narazılığını bildirib, bundan sonra Finlandiyanın bu ölkədəki diplomatik nümayəndəliklərinin hesablarını dondurub. Finlandiya Rusiyanın bu hərəkətinə cavab olaraq rəsmi nota göndərərək, öz narazılığını bildirib.
Mayın 30-da Rusiya Xarici İşlər Nazirliyi Finlandiyanın səfiri Antti Helanteri görüşə dəvət edib və iyulun 1-də Lappeenrantada Rusiya səfirliyinin ofisinin bağlanması barədə məlumat verilib.
Bundan başqa, iyulun 1-dən Finlandiyanın Sankt-Peterburq, Petrozavodsk və Murmanskdakı Baş Konsulluğunun 1990-cı illərin əvvəllərindən fəaliyyət göstərən filialları da öz işini dayandıracaq.
Xatırladaq ki, aprelin 13-də Fransanın Rusiya paytaxtında səfirliyinin əməkdaşları heyvan və ya quş sümükləri olan bağlama alıblar.
2022-ci il noyabrın 30-da Ukraynanın İspaniyadakı səfiri üçün nəzərdə tutulan bağlama diplomatik departamentin binasını mühafizə edən komendantın əlində partladılıb. Səfirliyin əməkdaşı yüngül xəsarət alıb.
Xanım
Sfera.az
