“Rusiyanın Ukraynada su anbarını partlatması o deməkdir ki, onlar məğlubiyyətin astanasında olduqlarının fərqindədirlər”.

Sfera.az bildirir ki, bunu politoloq Məhəmməd Əsədullazadə deyib.

O qeyd edib ki, ruslar Zaporojye Atom Elektrik Stansiyasını da zədələyə, radiasiya sızıntısı təşkil edə bilərlər: “Vladimir Putin üçün Ukrayna xalqı və dövləti heç bir dəyər daşımır. Zaporojye AES-də radiasiya sızıntısı təşkil edilərsə, artıq Moskvada siyasi-hərbi qərarvermə məntəqələri Kiyevin potensial hücum hədəfi olacaq. Bu dəfə Moskva dəqiq raketlərlə hücuma məruz qala bilər”.

Ekspert qeyd bildirib ki,  Putin son addımı ilə Ukraynanın əks-hücumunun qarşısını almağa çalışır: “Bu, effektli deyil. Bununla da mümkün bütün danışıqlar prosesinin üstündən xətt çəkmiş oldular”.

Qeyd edək ki, Kremlin sözçüsü Dmitri Peskov ötən gün Vladimir Putinin danışıqlara hazır olduğunu vurğulamışdı.

Günay Rəsulqızı