Bu gün səhər saatlarında Ukraynanın "Kaxovka" Su Elektrik Stansiyasının Rusiya ordusu tərəfindən partladılması ilə 1941-ci ilin avqustunda "Dnepr" Su Elektrik Stansiyasının partladılması arasında oxşar niyyətlər var. 

Sfera.az xəbər verir ki, bununla bağlı ekspert Allahverdi Aydın paylaşım edib.

O xatırladıb ki, 1941-ci ilin avqustun 18-də SSRİ-i rəhbərliyi almanların sürətli hücumunu yavaşlatmaq məqsədilə Dnepr çayı üzərində yerləşən "Dnepr" Su Elektrik Stansiyasını partladıblar.

“Bu əməliyyat o qədər gizli və sürətlə həyata keçirilib ki, Dnepr çayı ətrafında yaşayan yerli xalq (ukraynlar) və sovet hərbi hissələrinə belə xəbərdarlıq edilməyib”, - deyən A.Aydın partlayış nəticəsində 80 min mülkü əhalinin və 20 min sovet hərbçisisinin 30 metrlik dalğaların altında qalaraq həlak olduğunu söyləyib.

Onun fikrincə, 82 ildən sonra, bu gün Putin həmin cinayəti təkrar edib: “Səhər saatlarında Dnepr çayı üzərində yerləşən "Kaxovka" Su Elektrik Stansiyasını partladıblar. Artıq onlarla şəhər və kəndin su atında qaldığı bildirilir”. 

Vasif