ABŞ prezidentliyinə namizəd Robert Kennedi Ukraynada Vaşinqtonun bioloji laboratoriyalarının olduğunu bildirib.

Sfera.az xəbər verir ki, o, bu barədə “Twitter”də yayımlanan İlon Maskla söhbəti zamanı deyib.

 "Bizim laboratoriyalarımız dünyanın hər yerində, Ukraynada və başqa yerlərdə yerləşir, onlar bütün növ bioloji silahlar hazırlayırlar", -Kennedi söyləyib.

O həmçinin, Ukrayna Prezidenti Volodimir Zelenskini də tənqid edib: "O, komediya ustasıdır. Demək istəmirəm ki, bu pisdir. Amma bu o deməkdir ki, onun siyasətdə təcrübəsi yoxdur". 

Prezidentliyə namizəd ABŞ-nin Rusiya və Çinlə münaqişələrinin tezliklə həllinin tərəfdarı olduğunu da söyləyib: “Bizim qədər nüvə silahına malik ölkə ilə münaqişəyə girmək dəlilikdir”.

Günay Rəsulqızı