Bu gün Türkiyədə Nazirlər Kabinetinin yeni tərkibdə ilk iclası keçiriləcək.

Sfera.az bildirir ki, iclasda yeni dövrün yol xəritəsi müzakirə olunacaq. Yeni dövrdə inflyasiya ilə mübarizəyə üstünlük veriləcəyi gözlənilir. Məlumata görə, iqtisadiyyatla yanaşı, terrorla mübarizə və xarici siyasətdəki son vəziyyət də müzakirə olunacaq.

Türkiyə mediası xatırladıb ki, seçki dövründə evdar qadınlara pensiya, gənclərə vergisiz telefon, faizsiz evlilik krediti kimi vədlər verilib. İclasda bunlarla bağlı planlaşmanın da dəyərləndiriləcəyi gözlənilir. Eyni zamanda Nazirlər Kabinetinin iclasında İsveçin NATO-ya üzvlük məsələsi də nəzərdən keçirilə bilər. Qeyd olunub ki, burada terrorla mübarizədə son vəziyyət, daxili və sərhədyanı əməliyyatlar da hərtərəfli qiymətləndiriləcək.

Günay Rəsulqızı