Tarix həqiqətən möcüzəli insanlarla doludur. Amma bu hekayədəki əzmkarlıq heç birinə bənzəmir. 45 ildir ki, Sadhu Amar Bharati dini inanclarına sədaqətinin simvolu olaraq sağ əlini qaldırıb və bir dəfə də olsun aşağı salmağı düşünməyib.
 

Sfera.az sizi Sadhu Amar Bharati ilə tanış edir. Onun hekayəsi o qədər maraqlıdır ki, filmlərin mövzusu olar desək, mübaliğə olmaz.


İnsanların çoxu Bharatinin hekayəsinin doğruluğuna inanmır. Lakin Bharati 45 ildir ki, fasiləsiz olaraq sağ əlini havada saxlayır. Dünyəvi ləzzətlərdən təmizlənmiş və özünü Allaha həsr edən Bharati az qala keşiş həyatını mənimsəmişdir.

1970-ci illərdə Hindistanda bir bankda işləyən Bharati həyat yoldaşı və üç övladı ilə birlikdə təvazökar bir həyat sürürdü. Ancaq bir gün Bharati heç bir şey olmadan ailəsini tərk edir, daha sonra işini tərk etmək və dini normalarına riayət etmək qərarı verir.
Bharati bütün həyatını hinduizmin tanrısı Şivaya həsr etmək qərarına gəlir.


Lakin Bharati hələ də dünyəvi ləzzətlərdən azad olmaqda aciz hiss edir. Buna görə də bu hissin qarşısını almaq üçün nəsə etmək qərarına gəlir.

Ağla gələn ilk şey sağ əlini havaya qaldırmaq olur.

1973-cü ildə Şivaya olan bağlılığının simvolu olaraq ölənə qədər sağ əlini aşağı salmamağa qərar verir. Bundan sonra Bharati bütün dünyada böyük nüfuz qazanır. Bütün dünyanın diqqətini çəkən bu əl jestinin nə demək olduğunu soruşduqda Bharati bunun dünya sülhünün və Şivaya sədaqət simvolu olduğunu deyir.
Əvvəlcə qolundakı ağrı dözülməz olur.


Amma bu ağrı onun sədaqətinə mane olmur. İlk iki ildən sonra sağ qolundakı bütün hisslər yox olur və ağrılar tədricən yox olmağa başlayır. Normal bir insanın bu ağrıya yalnız iki-üç dəqiqə dözə biləcəyini nəzərə alsaq, Bharatinin fədakarlığı hər kəsi heyrətləndirir.
 

Dünya sülhü üçün sağ əlini havada tutur.


Bharati Hindistan mediasına verdiyi açıqlamada bunları deyib:
 

“Mən çox şey istəmirəm. Niyə bir-birimizlə vuruşuruq? Niyə aramızda bu qədər nifrət və səhlənkarlıq var? Mən bütün Hindistan xalqının sülh içində yaşamasını istəyirəm. Hətta bütün dünyanın!”
 

Bharati əməli ilə digər pastorları da ruhlandırıb. Onlar da uzun müddət qollarını havada saxlamağa çalışıblar.


Amma heç kim Bharatinin rekordunu qıra bilməyib. O, bu gün də sağ qolunu havada saxlayır və onu aşağı salmağı heç düşünmür. Amma bir gün onu endirmək qərarına gəlsə, bütün əzələləri cırılacaq və sinirlərinə ciddi ziyan dəyəcək. Bharati həm zehni, həm də fiziki cəhətdən özünü yaxşı hiss etdiyini də vurğulayır.

Aysel

Sfera.az