“Meydana təsvirim olan asılmış kukla gətirirlər...” – Serbiya prezidenti təhdidlərdən danışdı

Serbiyanın Prezidenti Aleksandr Vuçiç hər gün 200-dən çox ölüm təhdidi ilə hədələndiyini bildirib.

Sfera.az xəbər verir ki, o, bu barədə ölkədə Daxili İşlər Nazirliyi və Polis Günü münasibətilə təşkil olunan mərasimdə çıxışı zamanı bildirib.

Vuçiç Belqradda keçirilən kütləvi etiraz aksiyasına onun təsviri olan asılmış kukla gətirən müxalifətin hərəkətinə münasibət bildirməsini xahiş edən jurnalistlərin suallarını cavablandırıb.

Prezident qeyd edib ki, 2017-ci ildən hökumət əleyhinə nümayişlərdə bu kimi hallar görünür, onun sözlərinə görə, o, artıq buna öyrəşib.

“Mənim işim belə iyrənc və rəzil şeylərə dözməkdir. Mən ölkənin prezidentiyəm, mənim işim ölüm cəzası təhdidlərinə dözməkdir”, - Vuçiç bildirib.

“Düşünürəm ki, Serbiyanın daxili işlər naziri hər gün mənə qarşı 200-dən çox birbaşa təhdid edildiyini bilir. Mən bununla yaşayıram, öyrəşmişəm, respublikanın prezidenti və ya görkəmli siyasətçisi olanda dözməyi öyrənməlisən”, - o əlavə edib.

Əzizə