TikTok istifadəçisi Jimmy The Filmmaker əlində iPhone olduğunu iddia etdiyi babasının köhnə fotoşəkilində zamanda səyahətə dair sübut tapıb.

Sfera.az bildirir ki, həmin şəxs fotonu sosial şəbəkədə paylaşıb. Cimmy The Filmmaker təxəllüsü olan adam iddia edir ki, babası müasir smartfona heyrətamiz dərəcədə bənzəyən obyekti əlində saxlayır.

İstifadəçi tərəfindən yayımlanan video 16 mindən çox bəyənmə toplayıb.


"Bu, babam Corcun İkinci Dünya Müharibəsi zamanı çəkilmiş şəklidir. Mən və qardaşım ona baxıb düşündük: babam zaman səyahətçisidirmi? Çünki əminik ki, sol əlində tutduğu təsvir obyektinə yaxınlaşdıraraq baxanda, onun əlindəki "iPhone"dur".

Videonun müəllifi zamanda səyahətə dair sübutlar tapdığını iddia edən ilk şəxs deyil. Digər istifadəçilər tez onun nəzəriyyəsindəki boşluqları qeyd edib və daha çox ehtimal olunan izahatlar təklif irəli sürüblər.
 

Bir izləyici bunun Morze əlifbasını ötürmək və ya təraş etmək üçün istifadə etdikləri güzgü olduğunu bildirib.

Qeyd edək ki, bu ehtimal doğru ola bilər, çünki "Papa George" adlandırılan fotoşəkildəki adam çiynindən dəsmal asıb və əlində su qabı var.

Aynil

Sfera.az