İordaniya vəliəhdi Hüseyn evləndi - FOTOLAR

Şahzadə Hüseyn üzüyü gəlinin barmağına taxanda dəhşətə gəlib


İordaniya vəliəhdi Hüseyn bu gün nişanlısı Racva Əl-Saiflə ailə həyatı qurub. Zəhran sarayındakı füsunkar mərasimə cəmi 140 qonaq qatılıb. Lakin onların arasında Uels şahzadəsi, şahzadə Beatrice və onun əri, Norveçin vəliəhd şahzadəsi Haakon, Hollandiyanın kralı və kraliçası, Bruney sultanı və bir çox başqaları olub. Gəlin Rajva isə Livan brendi Elie Saabın lakonik paltarı ilə bütün dünyanın maraq mərkəzində olub.
 

Maraqlıdır ki, Keyt Middlton da eyni markadan tozlu qızılgül çalarlı paltar seçib, lakin 2017 kolleksiyasından. İordaniya Kraliça Rania arxası krujeva ilə bəzədilmiş qara Dior paltarında görünüb.
 

Racva mərasimə vəliəhd şahzadənin ulu nənəsi, mərhum Kraliça Zein əl-Şərəf üçün xüsusi olaraq hazırlanmış 1968-ci il Rolls-Royce Phantom V-də gəlib. Qeyd edək ki, bu avtomobil həmçinin Kral Çarlz və Kraliça Kamilla tərəfindən 2021-ci ilin noyabrında İordaniyaya səfərləri zamanı istifadə edilmişdir.


Rəcvanı nişanlısının kiçik qardaşı qurbangaha aparıb.


Maraqlıdır ki, gəlin atası Kral Abdullanın arxasınca boylanan gələcək ərindən hündür görünməmək üçün, görünür boy kompleksi yaşayan bəyi utandırmamaq üçün dabansız ayaqqabı seçib.
 

Onu kürəkənin kiçik qardaşı şahzadə Haşim ibn Abdullah mehrabın yanına aparıb. Şahzadə Hüseyn isə onu ilk dəfə gəlinlikdə görəndə duyğularını saxlaya bilməyib. Rajva görünüşünü zərif brilyant tac ilə tamamlayıb.

Nikah Haşimilər Kral Məhkəməsinin imamı Dr. Əhməd Əl Xəlaylinin rəhbərliyi altında besedkada keçirilən "katb ktab" kimi İslami mərasimlə baş tutub.
 

Mərasimdən sonra cütlük 1984-cü il istehsalı olan xüsusi “Range Rover” avtomobili ilə, pulemyotlu qırmızı ciplərdə olan hərbçilərin əhatəsində Əmman küçələri ilə toy qəbuluna gedib.
 

Maraqlıdır ki, bu cip Kraliça Elizabetin 1984-cü ilin martında baş tutan səfəri üçün xüsusi olaraq dəyişdirilib. Bu maşında mərhum Kral Hüseyn Kraliça və Şahzadə Filipi məşhur Petraya aparıb.
 

Toy üçün “Sheer Rover” adlandırılan xüsusi Range Rover yenidən dizayn edilib. O, uzadılıb, dam örtüyü kəsilib. Yeni ağ dəri örtük , o cümlədən dörd fərdi gücə malik Recaro oturacaq quraşdırılıb.

Şahzadə Hüseyn və Racva təxminən 1700 qonağın iştirak etdiyi toy mərasimi üçün kortejlə Əl-Hüseyniyyə Sarayına aparılıb. Qəbul gecəyə kimi davam edəcək və şahzadə və gəlin tortu kəsəndə başa çatacaq.
 

Bu gün İordaniyada milli bayram elan edilib və vətəndaşların bayramda iştirak etməsi üçün 12 qubernatorluğun hamısında bayram tədbirləri keçirilir və adətən kral toylarında olduğu kimi, saraydan toy məclisinə gedərkən şahzadə və onun həyat yoldaşını qarşılamaq üçün minlərlə insan yol boyu toplaşıb.
 

Xatırladaq ki, Keyt Middlton və Şahzadə Uilyamın İordaniyaya gəlişi gizli saxlanılırdı. Bu, Britaniya kral ailəsinin pərəstişkarları üçün sürpriz olub.

Aysel

Sfera.az