Kim Çen In bütün gün şirniyyat yeyir, çox siqaret çəkir və yatmır

Kim Çen In tez-tez fotolarda görünür və digər Şimali Koreyalılardan təəccüblü şəkildə fərqlənir. O, Koreyalılardan daha hündür və dolğundur.

Sfera.az xəbər verir ki, Cənubi Koreya kəşfiyyatı Kimin səhhətində ciddi problemlər olduğunu bildirir.
 

Kəşfiyyat məlumatlarına görə, Kim Çen In yuxusuzluqdan əziyyət çəkir, çəkisi 140 kq-dan çoxdur və getdikcə siqaret və alkoqoldan asılı vəziyyətə düşür.
 

Kim Çen In hətta rəsmi fotolarda belə çox siqaret çəkir

Koreya Mərkəzi Xəbər Agentliyinin bildirdiyinə görə, xarici mallar Şimali Koreyaya həm qanuni, həm də qaçaqmalçılıq yolu ilə gətirilir. Göndərmələri izləyərək, Şimali Koreya diktatorunun masasında nəyin bitdiyini dəqiq müəyyən edə bilərsiniz.

Çərşənbə günü Cənubi Koreyanın Milli Kəşfiyyat Xidməti (NIS) Şimali Koreyanın ölkədəki ərzaq böhranına baxmayaraq, son vaxtlar xarici siqaretlərin və bahalı qəlyanaltıların böyük idxalını izlədiyini iddia edən hesabat yayıb. Xüsusilə “Marlboro” və “Dunhill” tez-tez KXDR-ə gətirilir.
 

Cənubi Koreyanın bir kəşfiyyat agentliyi Kimin səhhətini izlədiyini və onun alkoqol və nikotindən sui-istifadənin pis dövrünə düşmək ərəfəsində olduğunu bildirib. Onun yuxusuzluqdan əziyyət çəkdiyi də qeyd edilir.

"Şimali Koreya hakimiyyətinin ən son tibbi məlumatları, o cümlədən yuxu pozğunluğunun müalicəsində istifadə olunan zolpidem kimi dərmanların fəal şəkildə topladığına əsaslanaraq, NIS Kimin yuxusuzluqdan əziyyət çəkdiyinə inanır"- Xalq Gücü Partiyası qapalı brifinq sonrası Yu Sanq-Bum ölkə jurnalistlərinə müsahibəsində deyib.

"Kim Çen In mayın 16-da ictimai çıxışı zamanı gözlərinin altında görünən qara dairələrlə çox yorğun görünürdü"- deyə Yu jurnalistlərə bildirib.
 

O bildirib ki, kəşfiyyat xidməti Kimin son fotolarını araşdırıb və onun çəkisini təxminən 140 kq qiymətləndirib.
 

Cənubi Koreyalı analitiklər Kimin əlində və qollarında görünən cızıqları və göyərmələri izləyiblər. Yu onların stressdən qaynaqlanan allergiya və dermatitin izləri olduğunu qeyd edir.

Kim tez-tez siqaret çəkən kimi tanınır və fotoşəkillərdə müntəzəm olaraq əlində siqaretlə görünür. Əvvəllər məlum olub ki, KXDR-də daim onunla şəkillərdə görünən qızı Kim Joo-ae-nin görünüşündən narazılıq artır. İnsanlar onun öz uşaqları aclıqdan ölərkən "ay kimi dolğun" görünməsini bəyənmirlər.

NIS həmçinin Şimali Koreyada qida qıtlığının pisləşməsi nəticəsində son vaxtlar aclıqdan ölənlərin və intiharların sayının kəskin artdığını bildirib.

Bu ölümlərin son illərdə üç dəfə artdığı təxmin edilir ki, bu Kimin vəzifədə olduğu dövrdəki ən pis rəqəmlərdən biridir.

Xatırladaq ki, üç il əvvəl Kim Çen Inın öldüyü barədə şayiələr yayılmışdı. Sonra onun varisi ə bacısı Kim Ye-jong elan edildi. KXDR liderinin səhhətində problemlərin məhz onun qeyri-sağlam həyat tərzinə görə yarandığı deyilir.

Xanım

Sfera.az