"Kiyevin dron hücumundakı hədəfi Putinin Rublovkadakı..." - ŞOK İDDİA
"Rusiya-Ukrayna savaşında artıq paytaxt Moskva da cəbhənin bir hissəsi olub".
Sfera.az bildirir ki, Moskva meri Sergey Sobyanin baş verənlərlə bağlı bunları deyib:
“Ukrayna tərəfi Moskvada terror aktı törədib, mülki əhalinin yaşadığı iki yaşayış binasına ziyan vurub. Cəmi iki yaralı var”.
Hücumdan bir neçə saat sonra məlum olub ki, əsl hədəf Putinin evinin yerləşdiyi oliqarx məhəlləsi olub. Bu barədə Dövlət Dumasının deputatı Aleksander Xinştein iddia irəli sürüb.
“Hədəf oliqarxların çoxluq təşkil etdiyi və Putinin şəhərdən kənardakı evinin yerləşdiyi Rublovka rayonu idi. Ukraynaya məxsus pilotsuz təyyarələr hava hücumundan müdafiə qüvvələri tərəfindən vurulsa da, onların Putinin bağı yaxınlığında yerə düşməsi maraqlıdır”, - o bildirib.
Vladimir Putin isə Moskvaya hücumu “Kiyevin rusları qorxutmaq cəhdi” kimi qiymətləndirib. Kremlin sözçüsü Dmitri Peskov “Kiyev qisas almaq üçün Moskvaya hücum edib” deyib.
Rusiya da Kiyevə dron hücumlarını davam etdirir. Ötən gün Ukraynanın paytaxtı Kiyev səmasında azı 20 kamikadze pilotsuz uçan aparatın vurulduğu, bir nəfərin həlak olduğu bildirilib.
Günay Rəsulqızı