“İsveç yaxın bir neçə ay ərzində NATO-ya qəbul oluna bilər”.

Sfera.az bildirir ki, bunu NATO-nun baş katibi Yens Stoltenberq jurnalistlərə açıqlamasında deyib. O, İsveçin iyulda keçiriləcək sammitə qoşula biləcəyi ilə bağlı sualı cavablandırıb.

“Heç bir zəmanət yoxdur, lakin o vaxta qədər bir həllə nail olmaq və İsveçin tam üzvlüyü ilə bağlı qərarın verilməsini təmin etmək tamamilə mümkündür”, - Stoltenberq söyləyib.

ABŞ dövlət katibi Entoni Blinken isə bildirib ki, İsveç hökuməti artıq Türkiyənin narahatlığını aradan qaldırıb:

“Daha əlavə vaxt üçün heç bir səbəb yoxdur. İsveç artıq hazırdır. Biz həm Türkiyəni, həm də Macarıstanı üzvlüyü mümkün qədər tez ratifikasiya etməyə çağırırıq”.

Qeyd olunub ki, Blinken çərşənbə axşamı Türkiyənin xarici işlər naziri Mevlut Çavuşoğlu ilə telefon danışığında İsveçlə bağlı məsələni qaldırıb.

Günay Rəsulqızı