"Sahibə xanım, siz başda olmaqla bütün millət vəkillərinə göstərdikləri diqqətə görə öz minnətdarlığımı bildirirəm".

Sfera.az xəbər verir ki, bunu Milli Məclisin plenar iclasında deputat Fazil Mustafa deyib. Deputat iki aylıq fasilədən sonra iclasda ölkəyə qarşı olan təhdidlərdən danışıb:

"Bu cür hadisələr dövlət üçün çalışan insanları qorxutmaq gücündə deyil. Dövlət təhlükəsizlik orqanlarının onları zərərləşdirməsi göstərir ki, Azərbaycanı bu üsulla qarışdırmaq mümkün olmayacaq".

Qeyd edək ki, martın 28-i axşam saaatlarında Milli Məclisin deputatı Fazil Mustafaya qarşı terror aktı törədilib. Yaşadığı evin qarşısında güllələnən deputat çiyin və ayağından yaralanıb. O, dərhal xəstəxanaya çatdırılaraq, əməliyyat olunub.

Əzizə Zeynal