İtaliyanın şimalındakı Maggiore gölündə güclü tufan nəticəsində əcnəbi turistlərin olduğu əyləncə gəmisini su basıb. Təəssüf ki, hadisə nəticəsində 4 nəfər həlak olub.
 

Sfera.az bildirir ki, ötən gün axşam saatlarında bir qrup əcnəbi turistin ad günü qeyd etmək üçün icarəyə götürdüyü əyləncə gəmisində insident baş verib. Gəmidə ikisi ekipaj üzvü də daxil olmaqla 24 nəfər olub.
 

Bu zaman suyun üzərində güclü küləklə birlikdə tufan başlayıb. Nəticədə tornado yaranıb - qayıq Arona və Sesto Kalende bələdiyyələri arasındakı ərazidə çevrilib və batıb. Hadisə nəticəsində 4 nəfər ölüb, qalan sərnişinlər isə xilas edilib.


İnsanların bir qismini hadisənin şahidi olan digər qayıqlar dərhal götürüb, qalanları isə özləri sahilə üzə biliblər. Xilasedicilər dalğıclar və helikopterin cəlb olunduğu aktiv axtarış işlərinə başlayıblar.
 

Əlverişsiz hava şəraiti və qaranlıq əməliyyatı çətinləşdirib. Bütün çətinliklərə baxmayaraq, xilasedicilər qəza nəticəsində 4 nəfərin öldüyünü müəyyən edə biliblər. Təhlükəsizliyin təmin edilməsi və zərərçəkənlərə yardımın göstərilməsi istiqamətində xilasedicilərin işi davam edir.

Aynil
Sfera..az