"Moskvada aparılan danışıqlar tərəflərin qarşılıqlı anlaşmasını yaxşılaşdırmağa, bir sıra məsələlər üzrə mövqeləri yaxınlaşdırmağa imkan verdi".

Sfera.az xəbər verir ki, bunu Rusiya xarici işlər nazirinin müavini Mixail Qaluzin “İzvestiya”ya müsahibəsində bildirib. Onun sözlərinə görə, Azərbaycanla Ermənistan arasında sülh müqaviləsinin bağlanması yalnız nizamlanmanın bütün istiqamətləri üzrə tərəflərin əldə etdiyi irəliləyişdən asılıdır.

“Bu məqsədlər üçün biz bundan sonra da İrəvana və Bakıya bacardığımız qədər dəstək verəcəyik. Ümid edirik ki, belə müntəzəm təmaslar yekun sülh razılaşmalarının əldə olunmasına imkan yaradacaq”, - Qaluzin bildirib.

Onun sözlərinə görə, Rusiyanın dəstəyinə nəqliyyat və iqtisadi əlaqələrin blokunun açılması, Azərbaycan-Ermənistan sərhədinin demarkasiyası və ictimai əlaqələrin inkişafı yolu ilə etimadın gücləndirilməsi də daxildir.

Əzizə