Rusiya gələn aydan alman diplomatları, müəllimləri və mədəniyyət müəssisələrinin işçilərini ölkədən çıxarmağa başlayacaq.

Sfera.az bildirir ki, bu barədə Almaniya Xarici İşlər Nazirliyi məlumat yayıb. Qurum Rusiyanın bu addımını tənqid edib və qərarı “birtərəfli, əsassız və anlaşılmaz” adlandırıb. “Sueddeutsche Zeitung” yazıb ki, sözügedən qərar bir neçə yüz alman dövlət işçisinə, o cümlədən alman mədəniyyətini və dilini xaricdə təbliğ edən Höte İnstitutunun müəllimləri və əməkdaşlarına təsir edəcək.

“Bu, keçən ilin əvvəlində Rusiyanın Ukraynanı işğal etməsindən sonra çox gərgin əlaqələri olan iki ölkə arasında gərginliyi daha da artıracaq addım kimi qiymətləndirilir”, deyə bildirilib.

Qeyd edək ki, qərar bu ilin əvvəlində Rusiya kəşfiyyat xidmətlərinin Almaniyada mövcudluğunun azaldılmasına cavabdır.

Günay Rəsulqızı