“Ukrayna Rusiya qüvvələrinə qarşı çoxdan gözlənilən əks-hücum əməliyyatına başlamağa hazırdır”.

Sfera.az bildirir ki,  bu barədə “BBC” Ukraynanın yüksək rütbəli rəsmisinə istinadən məlumat yayıb. Qeyd olunub ki, Ukrayna Milli Təhlükəsizlik və Müdafiə Şurasının katibi Aleksey Danilov  tarixi açıqlamasa da, əks-hücumla bağlı bunları deyib: “Əraziləri geri almaq üçün hücum sabah və ya bir həftə sonra başlaya bilər. Kiyevin qərarla bağlı səhv etməyə haqqı yoxdur. Bu, Ukrayna üçün tarixi fürsətdir və biz itirə bilmərik”.

“BBC” xatırladıb ki, Ukrayna Milli Təhlükəsizlik və Müdafiə Şurasının katibi kimi Danilov prezident Volodimir Zelenskinin de-fakto müharibə kabinetinin mərkəzində durur. O həmçinin,  “BBC”yə Rusiyanın Belarusa nüvə silahı yerləşdirməyə başlaması ilə bağlı da danışıb:  "Biz tamamilə sakit vəziyyətdəyik. Bu, bizim üçün bir növ xəbər deyil”.

Günay Rəsulqızı