ABŞ prezidenti Co Bayden Rusiyanın Belarusa taktiki nüvə silahları yerləşdirməsinə münasibət bildirib.

Sfera.az bildirir ki, Ağ Ev sahibi bu barədə jurnalistlərin suallarını cavablandırıb. Bayden qeyri-strateji nüvə silahlarının Rusiyadan Belarus ərazisinə daşınması ilə bağlı suala qısa və konkret cavab verib. “Çox mənfi”, deyə ABŞ prezidenti söyləyib.

Xatırladaq ki, mayın 25-də Belarus prezidenti Aleksandr Lukaşenko Rusiyadan qeyri-strateji nüvə silahlarının artıq respublika ərazisinə ötürülməsinə başlanıldığını açıqlayıb. Rusiya və Belarusun müdafiə nazirləri Sergey Şoyqu və Viktor Xrenin Minskdə Rusiya nüvə silahlarının Belarus ərazisindəki xüsusi anbarda saxlanması qaydasını müəyyən edən sənədləri imzalayıblar.

Günay Rəsulqızı