Qax rayonunda ana və azyaşlı övladı ocaq qalamaq istəyərkən yanıq xəsarətləri alıblar.

Sfera.az-ın "Report"a istinadən məlumatına görə, hadisə rayonun Marsan kəndində baş verib.

Belə ki, kənd sakini 1994-cü il təvəllüdlü Nəsibə Vahid qızı Məmmədova əlində olan benzin butulkası ilə ocaq qalamaq istəyib.

Bu zaman ehtiyatsızlıqdan əlindəki benzin dolu butulka alışıb.

Nəticədə 29 yaşlı N.Məmmədova və həmin vaxt yanında olan övladı, 2017-ci il təvəllüdlü Raziyyə Məmmədli yanıq xəsarətləri alıblar.

Xəsarət alan ana və qızı Qax Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.