Şahzadə Harri və Meqan Markl kral ailəsinə yeni zərbə hazırlayır
Hər zaman məxfiliyə ehtiyacları olduğu haqqında danışan Şahzadə Harri və Meqan Markl kral ailəsi ilə münasibətlərinin mövzusundan istifadə etməyə davam edir. Onlar kral ailəsi ilə bağlı qalmaqallardan və Britaniya qohumları ilə münasibətlər mövzusundan faydalanmağa davam edirlər.
Sfera.az bildirir ki, cütlük Netflix ilə saraydakı həyat təcrübəsinə əsaslanaraq kral həyatlarından bəhs edən yeni film yaratmaq üçün danışıqlar aparır.Filmin mövzusu kral ailəsindəki bir cütlüyün çətin həyatı olacaq. Hələlik çəkilişlə bağlı son qərar verilməyib, lakin Netflix-in keçmiş qonorarından ilhamlanan Meqan bunu həqiqətən istəyir.
Bildirilir ki, striminq xidməti Şahzadə Endrünün jurnalist Emili Meytlislə müsahibəsi haqqında bədii film hazırladığını elan etdikdən sonra onlar yeni layihəyə qərar veriblər.
Meqan və Harri əvvəlcə bu yeni filmin necə qarşılanacağını gözləyib, görməyə qərar verib.
Medianın bildirdiyinə görə, cütlük əvvəlki layihə üçün alınan qonorardan çox razı qalıb və bundan sonra da əməkdaşlıq etmək niyyətindədir. Öz növbəsində, Netflix cütlüyün sənədli filmləri və ya uşaq televiziya şouları ilə maraqlanmır, lakin onların kral həyatı haqqında daha çox "şirəli şeylər" istəyir:
Daha əvvəl Sasseks hersoqları Xanım Qadınlar Fondunun 50 illik yubileyinə həsr olunmuş qala-konsertdən çıxarkən paparassilərdən qaçaraq Şahzadə Diananın taleyini az qala təkrarladıqlarını söylədikdən sonra manşet olmuşdular.
Qeyd edək ki, cütlük bu yaxınlarda evliliklərinin beşinci ildönümünü qeyd edib.
2020-ci ildə Harri və Meqan kral ailəsinin böyük üzvləri kimi istefa verib və ikinci övladları Şahzadə Lilibeti dünyaya gəlməmişdən əvvəl Kaliforniyaya köçüblər.
Öz maliyyə müstəqilliyini axtaran cütlük, Harrinin "Ehtiyat" tərcümeyi-halını yayımlamadan cəmi bir neçə ay əvvəl Oprah Winfreyə səmimi bir müsahibə verib və eyni adlı öz Netflix sənədli filmini yayımlayıb.
Aynil
Sfera.az
