Rusiya ilə müharibədə F-16-lara ehtiyacı olduğunu hər fürsətdə dilə gətirən Ukrayna Prezidenti Zelenskinin gözlədiyi xəbər Almaniyadan gəlib.

Sfera.az bildirir ki, bu barədə Almaniyanın müdafiə naziri Boris Pistorius danışıb.

Onun sözlərinə görə, Almaniya F-16 qırıcılarını idarə etmək üçün ukraynalı pilotlara təlim keçməyi planlaşdıran ölkələrin koalisiyasına dəstək vermək variantlarını axtarır.

Lakin Rusiyanın sözügedən açıqlamaya reaksiyası sərt olub.

Rusiya xarici işlər nazirinin müavini Sergey Ryabkov bu barədə xəbərdarlıq edib:

“Ukraynaya verilən F-16-ları “vuracağıq””, - nazir söyləyib.

Ryabkov Ukraynaya tədarük edilən ABŞ istehsalı olan istənilən F-16 təyyarəsinin Moskva üçün qanuni hədəf olacağını bildirib.

Türkan