Yeznəsini əkin sahəsində öldürüb qulağını kəsdi

Biləsuvarda 51 yaşlı kişi qətlə yetirilib.

Sfera.az xəbər verir ki, Daxili İşlər Nazirliyinin (DİN) Mətbuat Xidmətindən verilən məlumata görə, hadisə bu gün səhər saatlarında rayonun Çinarlı kəndində qeydə alınıb.

Bildirilib ki, 1972-ci il təvəllüdlü Əsgər Abdullayevin ov tüfəngindən açılan atəşdən xəsarət alması barədə polisə məlumat daxil olub. Cinayət əməlini törətməkdə şübhəli bilinən 1975-ci il təvəllüdlü Cavid Həmidov saxlanılıb. 

Ə.Abdullayev xəstəxanaya çatdırılsa da, onun həyatını xilas etmək mümkün olmayıb.

"Qafqazinfo"nun əldə etdiyi məlumata görə, Ə.Abdullayev C.Həmidovun bacısının əridir. Onların arasında bir müddətdir əkin sahəsi ilə bağlı ədavət var imiş. Kənd sakinlərinin bildirdiyinə görə, Cavid Əsgəri öldürdükdən sonra qulağını kəsərək sahəyə atıb.