"COVID-dən daha təhlükəli olan yeni bir pandemiya təhlükəsini istisna etmək olmaz".

Sfera.az xəbər verir ki, bunu Ümumdünya Səhiyyə Təşkilatının (ÜST) rəhbəri Tedros Qebreyesus Cenevrədə keçirilən illik assambleyada deyib. 

"Yeni xəstəlik və ölümə səbəb ola biləcək başqa bir variantın ortaya çıxması təhlükəsi hələ də qalmaqdadır. Daha da ölümcül potensiala malik yeni patogenin ortaya çıxması təhlükəsi var", - təşkilatın baş direktoru bildirib.

Tedros Qebreyesus, həmçinin bütün dünyanı gələcəkdə təhlükəyə kollektiv cavab verməyə hazır olmağa çağırıb.

Xatırladaq ki, mayın 5-də Ümumdünya Səhiyyə Təşkilatının rəhbəri COVID-19 virusunun yayılması ilə əlaqədar qlobal səhiyyə fövqəladə vəziyyətinin başa çatdığını elan edib. Onun sözlərinə görə, dünyada ən azı 20 milyon insan koronavirusdan dünyasını dəyişib.

Əzizə