Azərbaycan Uşaqlar Birliyinin sədri Kəmalə Ağazadə gün ərzində daxil olan müraciətlərlə bağlı paylaşım edib.

Sfera.az bildirir ki, o, bu barədə sosial şəbəkə hesabında məlumat yayıb.

“Uşaq Sığınacağı Reinteqrasiya Mərkəzinə edilən həmin müraciətlər belədir: Övladı ilə intihara cəhd edən qadın; övladı sığınacağa yerləşdirilmiş ,ölüm həddinə çatdırılan, benzin töküb özünü yandıran qadın; qayınata,qaynı tərəfindən zorla sirkə turşusu içirdilib,13 gün komada qalan,1 yaş 6 aylıq övladı əlindən alınan qadın – onun rəsmi nikahı yoxdur,  uşaq qadına göstərilmir və yenidən ölümlə hədələnir;  9 illik cəzaya məhkum olunan, 3 yaşlı övladı  və xəstə, imkansız  anasının yanında qalan qızını sığınacağa yerləşdirmək istəyən qadın; taksi sürücüsü tərəfindən fiziki zorakılıq görən, özünü müdafiə edən, zərərçəkən olduğu halda təqsirləndirilən şəxs kimi tanınan  qadın; əri vəfat etdiyindən üç uşaqla tək qalan, heç bir dəstəyi olmadığından övladlarını sığınacağa qoymaq istəyən, işləyib balalarına arxa-dayaq olmaq istəyən qadın; iki azyaşlı qızı polisdə qoyub gedən ana...Bu hadisə isə son dəqiqədə gəlib”.

K.Ağazadə son olaraq qeyd edib ki, siyahı bir az da davam edə bilər: “Sutkanın bitməsinə isə 9 saat var”.

Türkan