Türkiyə seçkilərində ikinci turla bağlı nəticələrin nə vaxt bəlli olacağı açıqlanıb.

Sfera.az bildirir ki, bu barədə AKP sədrinin müavini Ali İhsan Yavuz məlumat verib.  

Belə ki, o, “TV100”-ün Ankara təmsilçisi Deniz Gürelə açıqlama verib. Gürel Ali İhsan Yavuzla görüşünü belə izah edib: “Onunla görüşüm zamanı ikinci turdan danışdıq. AK Partiyadakı səslərin azalması ilə bağlı soruşdum. “Biz bunu bir-bir müzakirə edirik, 400 millət vəkilimiz olsaydı da, belə edərdik. Pandemiya bizi sarsıtdı, ardınca zəlzələyə görə ölkəmizin dörddə biri məhv oldu və biz seçkilərə girdik. Belə bir vəziyyətdə ortaya çıxan bu nəticəni uğur kimi görürük”, -  Ali İhsan söylədi”.

Gürel,  həmçinin AKP sədr müavinindən ikinci turdakı hədəfini də soruşub:

“O, 54-55 civarında səs gözlədiyini dedi. Söhbətimiz zamanı Sinan Oğanın qərarı bəlli deyildi. Mən ikinci turun nəticələri ilə bağlı sual verəndə isə “Ən gec saat 18:00-a dəqiq nəticəni əldə etmiş olacağıq”, deyə bildirdi”.

Günay Rəsulqızı