ABŞ-dən Gürcüstana Rusiya ilə bağlı SƏRT XƏBƏRDARLIQ: "Bu o deməkdir ki..."
ABŞ administrasiyası Rusiya ilə uçuşların bərpası ilə əlaqədar birtərəfli sanksiyaların mümkünlüyü ilə bağlı Gürcüstan hakimiyyəti və biznes qurumlarını yenidən xəbərdar edib.
Sfera.az xəbər verir ki, bu barədə ABŞ Dövlət Departamentinin mətbuat xidmətinin rəhbəri Metyu Miller məlumat verib.
“Bəs Gürcüstandakı Rusiya təyyarələri? Bir çox Qərb ölkələri, o cümlədən ABŞ Rusiya təyyarələrinin öz hava məkanına daxil olmasını qadağan edir. Biz Rusiya ilə Gürcüstan arasında birbaşa uçuşların bərpasından narahatıq. Bu o deməkdir ki, şirkətlər, Gürcüstan hava limanları sanksiya riski altında ola bilər”,- Miller qeyd edib.
Dövlət Nazirliyinin nümayəndəsi hesab edir ki, indi Rusiya ilə əməkdaşlığı artırmaq vaxtı deyil.
Qeyd edək ki, Dövlət Departamentinin mətbuat xidmətinin rəhbərinin müavini Vedant Patel də may ayında ABŞ-nin gürcü şirkətlərinə qarşı sanksiyalarının mümkünlüyünü açıqlayıb.
Əzizə