Adının çəkilməsini istəməyən qadın məşhur Reddit forumunda təmir işləri apararkən zirzəmisində gizli otağı necə kəşf etdiyini təsvir edib. Zirzəmiyə gizli girişi olan və köhnə panellərin arxasında gizlədilən otağın içindəkilər qadını çox qorxudub.
 

Sfera.az bildirir ki, 1893-cü ildə tikilən evdə qadın otağı təmir zamanı kəşf edib. O bu barədə əvvəlcədən heç nə bilmədiyini deyib.
 

Qız divarlardan köhnə astarları götürməyə başlayanda təsadüfən gizli otağın girişini tapıb.
 

"Mən zirzəmidə gizli otaq və onun içərisində dəhşətli əşyalar tapdım. Otağa yeganə giriş divardakı kiçik kvadratdan idi. O, uzun illər əvvəl örtüklə və divarla örtülüb"-deyə qadın yazıb.


Qız 1893-cü ildə tikilən evi radioya düşkün bir adamdan aldığını bildirib.
 

"Zirzəmidə radio otağı var idi. Əvvəlki sahibinin çox əla radioları var idi və ölkənin hər yerindən insanlarla danışırdı. Bizim həyətdə nəhəng radio qülləmiz də var".
 

Otaqda axtarış apararkən qadın radio avadanlığı, köhnə Schick Colonel elektrik ülgücü, “Ridgid” posteri və ürpədici film neqativləri tapıb.

 

"Bunlar alt paltarında olan qadınların ombasının ürpədici fotolarıdır. Onlar tavanda gizlədilib. Çox qorxulu fotolar idi. Atdıq. Bu il yuxarını da təmir edəcəyik, nə tapacağımız məlum deyil"- deyə o əlavə edib.
 

Qız hesab edir ki, fotolar qadınların icazəsi olmadan, bəziləri isə hasardan kənarda çəkilib.

Xanım

Sfera.az